Şəkərli diabet – kimlər risk altındadırlar?..

Şəkərli diabetin və prediabetin (acqarına qlikemiyanın pozulması və/və yaxud qlükoza tolerantlığının pozulması) müəyyən risk faktorları vardır (nizamlanan və nizamlanmayan).

Nizamlanmayan risk faktorları aşağıdakılardır:

• 45 yaş və yuxarı
• Ürək-damar xəstəlikləri
• Anamnezdə hestasion diabetin olması
• Psixi xəstəlik
• Birinci dərəcəli qohumluq (ailə üzvlərində şəkərli diabetin olması)
• Yenidoğulmuşun çəkisinin dörd kiloqramdan çox olması
• Müəyyən etnik qruplara mənsubiyyət
• Arterial hipertenziya (təzyiqin 140/90 mm.c.s. çox olması)
• yumurtalıqların polikistoz sindromu
• hipertriqliseridemiya (qanda triqliseridlərin səviyyəsi 250 mq/dl (2,82 mmol/l) bərabər və daha çox olması)
• hiperxolesterinemiya (qanda YSLP konsentrasiyasının 40 mq/dl (0,90 mmol/l) aşağı olması)

Nizamlanan risk faktorların sayı daha azdır. Bunlara aiddir:

• Az hərəkətli həyat tərzi
• Piylənmə/çəkinin artıqlığı (BKİ 25 kq/m2 çox olması və ya çəkinin ideal bədən çəkisindən 20% artıq olması)

Bacardıq dərəcədə nizamlanan risk fakrorlarına təsir etməklə şəkərli diabetin/prediabetin yaranma prosesini ləngitmək və yaxud tam dayandırmaq olar. Şəkərli diabetdən tam sağalmağın mümkün olub-olmamasını öyrənmək istəyənlər bu məqaləni oxuya bilərlər. Əgər sizdə şəkərli dibetin yuxarıda sadalanan risk faktorları mövcuddursa, endokrinoloqun canlı konsultasiyası mütləqdir.