İnsulinin saxlanma qaydaları

Ayna Süleymanova 31 May 2018

İstifadədən öncə insulin preparatının üzərindəki son istifadə tarixini mütləq yoxlayın.
Müddəti bitmiş insulin preparatı təsiredici effektivliyini itirdiyi üçün ondan istifadə etməyin.
Gündəlik istifadə etdiyiniz insulin preparatını 30 gün ərzində adi otaq şəraitində saxlayın (24-25ºC hərarətdən yüksək olmamalı).
İstifadə etmədiyiniz ehtiyat insulin şpris-qələmlərini, flakonlarını və ya kartricləri 2-8ºC hərarətdə saxlayın (soyuducunun qapısında məsləhət görülür).
İnsulin preparatını dondurmaq olmaz! Donmuş insulin preparatını istifadə etmək qadağandır. Xarici görünüşü dəyişməsə belə molekulun strukturu tam olaraq dəyişir və lazım olan effekt itirilir.
İnsulin molekulu açıq günəş şüaları altında parçalana bildiyi üçün insulin preparatını günəş şüalarından qoruyun.
İstifadədən sonra flakonu və ya şpris-qələmi qapalı və sərin yerdə saxlayın.
Gəzintiyə çıxarkən çox isti olmadığı halda insulin preparatlarını adi çantada saxlamaq olar. Əgər havanın temperaturu 25ºC yüksəkdirsə, xüsusi çanta-soyuducudan istifadə etmək məsləhətdir.
Uzaq səfər zamanı insulin preparatını yük yerinə verməyin.